Grŵp Lleiafrifoedd Ethnig Climate Cymru (CCEM)

Cofrestrwch i’r grŵp fel unigolyn.

Cofrestrwch eich sefydliad i’r grŵp.

Amdanyt

Mae Lleiafrifoedd Ethnig Climate Cymru (CCEM) yn rhwydwaith annibynnol, hunanbenderfynol a sefydlwyd ym mis Gorffennaf 2021 gan Lysgenhadon Climate Cymru.

Mae CCEM yn darparu llwyfan bywiog i unigolion a gweithwyr amgylcheddol proffesiynol o dreftadaeth lleiafrifoedd ethnig sy’n byw yng Nghymru. Mae’n man i gysylltu, cydweithio a chryfhau eiriolaeth o amgylch yr argyfwng hinsawdd, cyfiawnder hinsawdd, a materion cysylltiedig.

Ein cenhadaeth yw ymhelaethu ar leisiau sydd wedi’u tangynrychioli, galfaneiddio gweithredu ar y cyd, a sicrhau bod cymunedau lleiafrifoedd ethnig yn gweithredu ymgyrchoedd lleol, rhanbarthol a chenedlaethol. Ar yr un pryd, mae CCEM yn cefnogi twf proffesiynol a gwelededd i ymarferwyr lleiafrifoedd ethnig yn sector amgylcheddol a hinsawdd y DU.

Yr Angen

Mae yna brinder o aelodau o’r gymuned ethnig leiafrifol yn sector yr Amglychedd a’r Hinsawdd yn y DU, ac nid oes data ar gael ar hyn o bryd ar gyfer y ffigyrau hyn yng Nghymru. O ystyried profiadau bywyd rhai o’r aelodau cyfansoddol presennol – lle mai ni fel arfer ydy’r unig rai sy’n bresennol fel yr ‘amrywiaeth’ yn yr ystafell, ni allwn ond dychmygu bod y gwerth yn llawer llai erbyn hyn.  

Mae’r grŵp CCEM wedi cael ei ffurfio o ganlyniad i’r angen i arddangos argaeledd gweithwyr proffesiynol amgylcheddol a hinsawdd a gweithwyr proffesiynol cysylltiedig o darddiad ethnig lleiafrifol sydd yn byw yng Nghymru, trwy ddarparu llwybr i’r unigolion hyn ddod at ei gilydd, trafod, adeiladu ein rhwydweithiau a rhannu adnoddau. Ein nod yw bod yn grŵp adnoddau bywiog.

Amcanion

• Adeiladu rhwydwaith ar gyfer gweithwyr proffesiynol yr amgylchedd a’r hinsawdd ac eiriolwyr sy’n tarddu o leiafrifoedd ethnig yng Nghymru.
• Creu gwelededd i weithwyr proffesiynol yr amgylchedd a’r hinsawdd ac eiriolwyr sy’n tarddu o leiafrifoedd ethnig yng Nghymru.

Gweithredu

Ar hyn o bryd mae’r grŵp CCEM yn cael ei gynnal gan Climate Cymru.

Mae CCEM yn cynnal llwyfannau rhithwir, gan gynnwys rhestr bostio Google Group i gefnogi cyfathrebu ymhlith aelodau, cynllunio cydweithredol, a diweddariadau ar gyfranogiad a chydweithredu. Mae yna hefyd grŵp WhatsApp ar gyfer cyfathrebu cyflym a brys.

Os hoffech fod yn rhan o blatfform CCEM, cwblhewch y ffurflen gofrestru uchod i’w hychwanegu at y rhestr bostio a’r grŵp WhatsApp.

Cysylltu

Ar hyn o bryd mae gweithgareddau’r grŵp yn cael eu cydlynu gan gydlynydd cymunedol. Cysylltwch â: ccem@climate.cymru