Grŵp Ethnig Lleiafrifol Climate Cymru (CCEM)

Amdanyt

Mae grŵp Ethnig Lleiafrifol Climate Cymru yn grŵp  annibynnol, a sefydlwyd ym mis Gorffennaf 2021 gan unigolion sydd hefyd yn Llysgenhadon Climate Cymru. 

Mae’r grŵp yn darparu llwyfan ar gyfer unigolion a gweithwyr amgylcheddol proffesiynol o darddiad ethnig lleiafrifol sydd yn byw yng Nghymru, sydd â diddordeb mewn adeiladu eu rhwydwaith mewn eiriol dros yr hinsawdd o amgylch cyfiawnder hinsawdd a materion cysylltiedig.

Mae’r grŵp yn ceisio symbylu diddordebau unigolion a gweithwyr proffesiynol o gymunedau ethnig lleiafrifol, a rhoi llais i gymunedau ethnig lleiafrifol i gymryd rhan mewn ymgyrchoedd eiriolaeth lleol, rhanbarthol a chymunedol a hefyd, cymryd rhan mewn cyrsiau datblygiad proffesiynol yn y sector amgylcheddol yn y DU.

Yr Angen

Mae yna brinder o aelodau o’r gymuned ethnig leiafrifol yn sector yr Amglychedd a’r Hinsawdd yn y DU, ac nid oes data ar gael ar hyn o bryd ar gyfer y ffigyrau hyn yng Nghymru. O ystyried profiadau bywyd rhai o’r aelodau cyfansoddol presennol – lle mai ni fel arfer ydy’r unig rai sy’n bresennol fel yr ‘amrywiaeth’ yn yr ystafell, ni allwn ond dychmygu bod y gwerth yn llawer llai erbyn hyn.  

Mae’r grŵp CCEM wedi cael ei ffurfio o ganlyniad i’r angen i arddangos argaeledd gweithwyr proffesiynol amgylcheddol a hinsawdd a gweithwyr proffesiynol cysylltiedig o darddiad ethnig lleiafrifol sydd yn byw yng Nghymru, trwy ddarparu llwybr i’r unigolion hyn ddod at ei gilydd, trafod, adeiladu ein rhwydweithiau a rhannu adnoddau. Ein nod yw bod yn grŵp adnoddau bywiog.

Amcanion

• Creu rhwydwaith ar gyfer gweithwyr proffesiynol sydd yn gweithio yn sector yr amgylchedd a hinsawdd ac eiriolwyr o dras ethnig leiafrifol yng Nghymru.  
• Creu gwelededd i weithwyr proffesiynol sydd yn gweithio yn sector yr amgylchedd a hinsawdd, ac eiriolwyr o dras ethnig leiafrifol yng Nghymru.

Gweithredu

Mae’r Grŵp CCEM yn cael ei gynnal ar hyn o bryd gan Climate Cymru, lle mae’n rhedeg grŵp ar lawr gwlad sydd yn cael ei ariannu gan grant trwy gyfrwng ein hymgyrch Cynnes y Gaeaf Hwn.

Mae’r CCEM yn cynnal llwyfannau rhithwir hefyd, h.y. Whatsapp & listserv, lle gellir cyfathrebu gydag aelodau.

Mae gweithgareddau’r grŵp yn cael eu cydlynu ar hyn o bryd gan gydlynydd cymunedol.  Os hoffech ymuno a’r grŵp CCEM, nodwch hynny yma.

Cysylltu

climatecymruethnicminorities@gmail.com