Meithrin y Mudiad
Manylion
Mae tîm Meithrin y Mudiad Climate Cymru yn grŵp ymroddedig sy’n pweru cenhadaeth y sefydliad trwy feithrin cydweithredu, cydlynu a thwf ar draws ei rwydwaith. Mae’r tîm hwn yn cryfhau perthnasoedd â sefydliadau ac unigolion trwy grwpiau thematig a rhwydweithiau, gan wasanaethu, cysylltu, ysbrydoli a dysgu o fudiad amrywiol ac eang. Maent yn creu mannau ar gyfer cydweithio, dadflocio rhwystrau, ac yn cynnal cynulliadau thematig i yrru gweithredu ar y cyd ac ymhelaethu ar yr effaith.
Partneriaid
Rhwydwaith Partneriaid Climate Cymru yw’r grym y tu ôl i’w genhadaeth i gyflymu gweithredu dros yr hinsawdd ledled Cymru. Gan gynnwys dros 400 o sefydliadau, sy’n amrywio o grwpiau cymunedol lleol i elusennau a busnesau cenedlaethol, mae’r rhwydwaith yn cydweithio i ymhelaethu ar effaith, rhannu adnoddau, ac eirioli dros newid systemig.
Am fwy o wybodaeth, gweler:
Gwirfoddolwyr
Mae ein gwirfoddolwyr wrth galon Climate Cymru. Yn ystod y flwyddyn ddiwethaf, mae ein gwirfoddolwyr wedi arloesi ein prosiect Cyswllt Gweithredu Hinsawdd, gan ysbrydoli’r genhedlaeth nesaf o bobl ifanc i weithredu dros yr hinsawdd yn eu cymunedau lleol. Mae gwirfoddolwyr hefyd wedi bod yn ganolog i’n gwaith polisi ac eiriolaeth, gan gefnogi ein tîm, arwain sesiynau briffio ymgeiswyr a chymryd rhan mewn hystingau ledled Cymru.
Am fwy o wybodaeth, gweler:
Rhwydwaith Lleiafrifoedd Ethnig
Mae Lleiafrifoedd Ethnig Climate Cymru yn rhwydwaith annibynnol, hunanbenderfynol a sefydlwyd ym mis Gorffennaf 2021 gan Lysgenhadon Hinsawdd Cymru. Mae CCEM yn darparu llwyfan bywiog i unigolion a sefydliadau o dreftadaeth lleiafrifoedd ethnig sy’n byw yng Nghymru. Mae’n man i gysylltu, cydweithio a chryfhau eiriolaeth ar yr argyfwng hinsawdd, cyfiawnder hinsawdd, a materion cysylltiedig.
Am fwy o wybodaeth, gweler:
Cyfiawnder Hinsawdd Byd-eang Cymru
Mae Cyfiawnder Hinsawdd Byd-eang Cymru yn dwyn ynghyd sefydliadau, grwpiau, rhwydweithiau ac unigolion i gyflymu gweithredu dros gyfiawnder hinsawdd byd-eang ac i sicrhau bod safbwyntiau a phrofiadau amrywiol yn cael eu cynnwys mewn trafodaethau, datblygu polisi ac ymgyrchoedd cysylltiedig. Mae’r grŵp yn eirioli dros weithredu hinsawdd yng Nghymru sydd wedi’i seilio ar ddealltwriaeth ddwfn o gyfrifoldeb byd-eang.
Am fwy o wybodaeth, gweler:
Youth Climate Ambassadors for Wales
Mae’r LLysgenhadon Hinsawdd Ieuenctid yn fenter ddemocrataidd, dan arweiniad ieuenctid, sy’n rhoi llais a chyfleoedd i bobl ifanc 13-25 oed ledled Cymru i weithredu dros yr hinsawdd. Mae’r holl benderfyniadau allweddol yn cael eu gwneud gan aelodau, gan gynnwys grŵp ymgynghori, sy’n eistedd ochr yn ochr â’r Lysgenhadon, ac sy’n agored i bob person ifanc yng Nghymru. Mae’r grŵp yn ymgyrchu dros ddyfodol gwyrddach, tecach – dan arweiniad ieuenctid, wedi’i bweru gan obaith.
Am fwy o wybodaeth, gweler:
We use cookies to improve your experience and deliver personalized content. By using this website, you agree to our privacy policy.