Mae’r argyfwng hinsawdd a natur yn effeithio arnom ni i gyd, ac rydym i gyd yn haeddu llais yn yr hyn sy’n digwydd nesaf. Daw ein partneriaid o bob rhan o gymdeithas sifil Cymru a thu hwnt a, gyda’n gilydd, rydym yn llais amrywiol a phwerus ar gyfer y Gymru fodern.
Daw cryfder ein hymgyrch o’n hamrywiaeth – y bobl a’r achosion rydym yn cynrychioli. Os ydych yn sefydliad sydd wedi’i leoli yng Nghymru, a bod chi’n meddwl ein bod yn colli persbectif pwysig, yna cysylltwch â ni a dewch yn rhan o’r mudiad.
“Mae bod yn rhan o rwydwaith sy'n gwneud pethau ledled Cymru yw hanfod Climate Cymru i ni. Gyda'n gilydd, mae ein lleisiau’n uwch ac yn gryfach. ”
Daniel, Ymgyrchydd gyda Coal Action Network
Pwy all ymuno?
Mae rhwydwaith Climate Cymru yn agored i unrhyw sefydliad, p’un a ydych chi’n grŵp cymunedol ar lawr gwlad, busnes, ysgol, elusen neu sefydliad anllywodraethol. Mae Climate Cymru yn hollol rhad ac am ddim i ymuno, ac mae hynny’n fwriadol, oherwydd credwn fod y mudiad hinsawdd yng Nghymru yn gryfach pan all sefydliadau fod yn rhan ohono, waeth beth fo’u cyllideb.
Mae gennym dros 400 o bartneriaid o fewn y rhwydwaith. Gallwch ddewis eich lefel o gyfranogiad, dipio i mewn pan fydd yn ddefnyddiol, dysgu gwybodaeth yn y cefndir, neu cymryd rhan pan fydd amser a chapasiti yn caniatáu. Rydyn ni yma i’ch cefnogi, nid ychwanegu at eich llwyth gwaith.
Pan fyddwch chi’n ychwanegu eich enw at Climate Cymru, rydych chi’n cytuno i ddatganiad syml:
“Rydym yn cydnabod bod angen gweithredu brys a theg, ar gyfer yr argyfwng hinsawdd a natur. Credwn dylai gweithredu cael ei arwain gan wyddoniaeth a lleisiau pobl ledled Cymru.”
Ymunwch â’n cyfarfodydd partner misol, gweithdai ar-lein, a digwyddiadau arbennig.
Cysylltwch â sefydliadau ar draws sectorau, gan gynnwys grwpiau cymunedol, addysg, busnes, celfyddydau ac ieuenctid, i rannu dysgu, cydlynu gwaith, a sbarduno cydweithrediadau.
Dylanwad ymgyrchu ac eiriolaeth
Byddwch yn cael y cyfle i lunio a chyfrannu at ymgyrchoedd mawr, mobileiddio ac eiliadau allweddol. Cymerwch olwg ar ein huchafbwyntiau.
Bwydo i mewn i ymgynghoriadau Llywodraeth Cymru ac eiriolaeth y Senedd, gan sicrhau bod eich llais yn rhan o eiliadau gwleidyddol allweddol.
Cyfathrebu ac ymhelaethu
Ymhelaethwch ar eich gwaith drwy gylchlythyrau a sianeli cyfryngau cymdeithasol Climate Cymru.
Rhannwch eich ymgyrchoedd, digwyddiadau, hysbysebion swyddi, a straeon llwyddiant ar draws y rhwydwaith ehangach trwy ein e-fwletin misol, Y Myceliwm.
Mynediad at adnoddau
Arhoswch yn y ddolen gyda chyfleoedd ariannu, diweddariadau polisi, ac offer ymarferol trwy’r rhwydwaith partner.
Defnyddiwch adnoddau a rennir fel pecynnau cymorth a chanllawiau ymgyrchu i roi hwb i’ch gweithredu a’ch allgymorth eich hun.
Cyfleoedd cydgynhyrchu
Byddwch y cyntaf i glywed amdano a chymryd rhan mewn Grŵp Cynghori a gweithgorau, cyd-greu digwyddiadau ac ymgyrchoedd, a gweithio ochr yn ochr â thîm Climate Cymru i lunio dyfodol Climate Cymru.
Helpu i lywio blaenoriaethau’r mudiad, yn enwedig o amgylch arweinyddiaeth ieuenctid, lleisiau wedi’u tangynrychioli, a chyfiawnder hinsawdd, trwy wneud cais i gymryd rhan yn ein grwpiau a’n mannau, megis ein:
Arddangos eich ymrwymiad i weithredu dros yr hinsawdd
Bydd eich sefydliad yn cael ei ychwanegu at ein gyfeiriadur a’n map partneriaid Climate Cymru, gan arddangos eich ymrwymiad i weithredu dros yr hinsawdd i gyllidwyr, partneriaid a’r cyhoedd.
Gallwch ddefnyddio logo Climate Cymru ar eich gwefan, negeseuon e-bost a deunyddiau, gan nodi hygrededd a chysylltiad â mudiad cenedlaethol, gan ddangos effaith gydweithredol.
Map y Mudiad
Oes gennych chi ddiddordeb mewn gweld pa bartneriaid sydd yn agos atoch chi? Cymerwch olwg ar map y mudiad!
Trwy wneud cyfraniad dewisol i’n costau rhedeg craidd, byddwch yn ein galluogi i gynyddu ein capasiti yn sylweddol a defnyddio’r llwyddiant yr ydym eisoes wedi’i gyflawni gyda’n gilydd.
Gellir talu cyfraniadau yn flynyddol ym mis Medi. Os byddwch yn ymuno â’r rhwydwaith hanner ffordd trwy’r flwyddyn ariannol, codir ffi aelodaeth pro-rata arnoch am y misoedd sy’n weddill.
Mae’r cyfraniad awgrymedig blynyddol hwn yn seiliedig ar drosiant sefydliadol ac yn helpu i gynnal cae chwarae gwastad:
£20,000 – £100,000: £80
£100,000 – £250,000: £200
£250,000 – £1 million: £400
£1-2 million: £600
£2-6 million: £900
6+ million: £1,500
Rydym yn cydnabod nad yw pob sefydliad mewn sefyllfa a fydd yn caniatáu iddynt gyfrannu’n ariannol. Credwn ei bod yn hanfodol cadw rhwydwaith Climate Cymru yn amrywiol ac yn gynhwysol, felly rydym wedi ymrwymo i sicrhau bod Climate Cymru yn rhydd i ymuno.
I’r rhai sydd â’r gallu i gyfrannu mwy, rydym yn eich annog i ystyried talu cost y rhai nad ydynt yn gallu talu ffi aelodaeth. Drwy wneud hynny, byddwch yn helpu i sicrhau nad yw’r mudiad amgylcheddol, hinsawdd a chyfiawnder cymdeithasol yng Nghymru yn cael ei ddominyddu gan yr ychydig, ond yn cael ei gryfhau trwy ymgysylltu eang ac amrywiol.
“Rydym yn falch o fod yn rhan o rwydwaith Climate Cymru, a gweithio gyda sefydliadau, grwpiau cymunedol a phartneriaid o bob rhan o Gymru i ymgyrchu a chydweithio dros ddyfodol gwell, gwyrddach a thecach i bawb.”
