Lobi Dorfol Gweithredwch Nawr am y Dyfodol

Beth sy’n digwydd?

Mae hwn yn wahoddiad i ymuno â phobl, grwpiau a sefydliadau ledled Cymru sy’n dod at eu gilydd i wthio am ddyfodol iachach, tecach a mwy diogel fel rhan o’r lobïo torfol ‘Gweithredwch Nawr, am y Dyfodol’ yng Nghaerdydd ar 17 Medi.

Mae pobl ledled Cymru eisoes yn gweithio am ddyfodol gwell – gwella trafnidiaeth gyhoeddus, adfer natur, creu swyddi gwyrdd, a gwneud cartrefi’n gynhesach ac yn iachach. Ond i wneud newid go iawn, parhaol, mae angen eich cefnogaeth arnom. Mae Climate Cymru yn cynnal y fan hon i drefnu gweithredu ar y cyd:

• Ar degwch: Dychmygwch Gymru lle mae pob cartref yn gynnes ac yn effeithlon, lle mae mwy o’n hegni yn eiddo i’r gymuned, a lle nad oes neb yn cael ei adael ar ôl – p’un a ydynt yn byw ym Mhort Talbot neu Brestatyn. Mae pontio gwirioneddol gyfiawn yn golygu edrych allan yn ogystal ag i mewn, cefnogi pobl ledled Cymru a sefyll mewn undod â’r rhai sy’n wynebu’r effeithiau hinsawdd llymaf yn fyd-eang.
• Ar gyllid: Dychmygwch Gymru lle mae arian yn llifo i’r lle mae ei angen fwyaf, lle gall cynghorau gefnogi syniadau lleol, a buddsoddiad yn cyrraedd y rheng flaen, o amddiffynfeydd rhag llifogydd yn Fairbourne i ddiogelwch bwyd yng Nglynrhedynog.
• Ar adfer a gwytnwch: Dychmygwch Gymru lle mae natur yn cael ei alluogi i adfer yn iawn ar y tir ac yn y môr, lle mae gwlyptiroedd yn arafu llifogydd, coetiroedd yn oeri ein trefi, a chefnogaeth ffermwyr i dyfu bwyd iach mewn ffyrdd sy’n gwarchod natur ac yn cadw cymunedau gwledig yn gryf. O gaeau Sir y Fflint i lethrau Eryri, mae cymunedau’n ffynnu pan fydd natur yn ffynnu.