Mae’r argyfwng hinsawdd a natur yn effeithio ar bob un ohonom, ac rydym i gyd yn haeddu llais ar yr hyn sy’n digwydd nesaf. Mae ein partneriaid yn dod o bob rhan o gymdeithas sifil Cymru a thu hwnt, a gyda’n gilydd, rydym yn llais amrywiol a phwerus i’r Gymru fodern.
Mae gan bob un ohonom ein safbwyntiau ein hunain ar yr hyn sydd ei angen arnom gan ein harweinwyr. Ond rydym i gyd yn cytuno bod angen iddynt gymryd camau ystyrlon i ddiogelu’r Gymru rydym yn ei charu, a chreu dyfodol gwell i gymunedau yma yng Nghymru ac ar draws y byd. Ac rydym wedi ein rhwymo gan gred bod angen i leisiau pobl Cymru gael eu clywed.
“Newid yn yr hinsawdd yw'r her amgylcheddol fwyaf mae'r byd wedi'i hwynebu erioed, ond mae gennym yr atebion, a rydym yn gwybod y gall natur ymladd yn ôl. Rydym angen i bobl ar draws y byd weithredu ac ymuno yn y frwydr dros ein byd. ”
