Ymunwch â'r symudiad

Unigolion

A ydych chi’n pryderu am yr hyn sy’n digwydd i’n hinsawdd ac i fyd natur? Yn rhwystredig am y diffyg brys? Eisiau bod yn rhan o adeiladu cymdeithas gwell ar gyfer ein hunain a chenedlaethau’r dyfodol?

Mae gennym bob math o opsiynau ar gyfer unigolion, yn amrywio o weithredu ar-lein syml, i fod yn rhan gwreiddiol o dîm sy’n ganolog i drawsnewid cymdeithas Cymru er gwell.

Ysgolion

Mae pobl ifanc wedi chwarae rhan ganolog yn Climate Cymru ers y dechrau, nhw sydd wedi gwneud y lleiaf i gyfrannu, a nhw sydd â’r mwyaf yn y fantol.

Mae gan addysg botensial unigryw i ysbrydoli a thrawsnewid, rydym yn gobeithio y gall ysgolion Climate Cymru ddysgu sgiliau bod yn ddinasyddion gweithgar i ddisgyblion, a’u grymuso i gymryd rhan yn eu dyfodol eu hunain.

Cymdeithas Sific

Mae cannoedd o sefydliadau cymdeithas sific yn y rhwydwaith eisoes, gydag ystod eang o feysydd diddordeb – o hawliau dynol i sicrwydd bwyd, i cadwraeth gostau byw. Mae’r argyfwng hinsawdd a natur yn effeithio arnom ni i gyd, ac mae pob maes diddordeb yn haeddu llais yn yr hyn sy’n digwydd nesaf. Gall unrhyw fath o sefydliad cymdeithas sifil ymuno.

Mae cydweithredu effeithiol yn gwneud pob sefydliad yn gryfach, a’r alwad ar y cyd am weithredu yn fwy pwerus. Gyda’n gilydd, rydym yn llais amrywiol a phwerus ar gyfer y Gymru fodern.

Busnesau

Mae gan fusnesau rôl hollbwysig yn y gwaith o drawsnewid ein cymdeithasau. Mae gan gwmnïau’r dyfodol werthoedd sy’n cynnwys pobl a’r blaned.

Mae’r rhwydwaith hwn yn gyfle i ymestyn ar draws y gymdeithas ac i ddweud wrth ein harweinwyr beth mae newid hinsawdd yn ei olygu i’ch busnes, a pa gamau sydd eu hangen arnoch chi ganddynt i ddatgloi eich potensial i fod yn rhan hanfodol o’r ateb.

Grwpiau Cymunedol

Gall fod yn anodd gwybod sut i wneud gwahaniaeth, neu sut i fod yn rhan o ysgogi’r newid ehangach sydd ei angen ar ein cymdeithas.

Mae Climate Cymru yn gweithio i sicrhau bod lleisiau pobl yng Nghymru yn cael eu clywed gan arweinwyr. Mae cymunedau wrth galon ein gwaith ac mae gan hyd yn oed y grwpiau lleol lleiaf yr un llais o fewn ein rhwydwaith â’r sefydliadau, busnesau neu elusennau mwyaf.

Rydym yn cynnig y cyfle i’ch grŵp chwarae rhan weithredol wrth lunio ein dyfodol cyfunol.