Llythr Agored
Ni allwn feithrin Cymru gydnerth ar wahân i’r byd ehangach.
“Pan fydd caffael yn cael ei lywio gan ofal, tegwch a chyfrifoldeb, gall helpu i amddiffyn natur, cynnal hawliau dynol ac adeiladu gwytnwch yn y systemau y mae pob un ohonom yn dibynnu arnynt.”
Llythyr Agored i'r Ddirprwy Prif Weinidog
Pecyn Adnoddau
Gadewch i Ni Siarad: Cyfrifoldeb Byd-eang, Tegwch a Chyfiawnder Hinsawdd
Cyflwyniad syml a hygyrch i gyfrifoldeb byd-eang a chyfiawnder hinsawdd, gan eich helpu i archwilio beth yw tegwch, sut mae Cymru wedi’i chysylltu, a beth allai hynny ei olygu ar gyfer tymor nesaf y Senedd.
Mwy o wybodaeth ymaCOP30: Camau Gweithredu Cymunedol dros Gyfiawnder Hinsawdd Byd-eang
Y mis Tachwedd hwn, wrth i arweinwyr y byd ymgynnull ar gyfer uwchgynhadledd hinsawdd COP30 y Cenhedloedd Unedig, mae cymunedau ledled Cymru yn gweithredu.
Mae Cyfiawnder Hinsawdd Byd-eang Cymru yn glymblaid o sefydliadau ledled Cymru sydd wedi ymrwymo i gyfiawnder hinsawdd wedi’i wreiddio mewn undod rhyngwladol. Rydym yn gweithio i sicrhau bod Cymru yn chwarae ei rhan – nid yn unig drwy dorri allyriadau gartref, ond wrth sefyll gyda chymunedau ledled y byd sydd eisoes yn byw gydag effeithiau chwalfa hinsawdd.
Ar 15 Tachwedd, rydym yn ymuno â mudiadau ledled y byd ar gyfer Diwrnod Gweithredu Byd-eang dros Gyfiawnder Hinsawdd, wedi’u huno o dan y neges: Mae’r byd hwn yn eiddo i ni – ac nid yw ar werth. O Gymru i Frasil, o’r Cymoedd i’r Amazon, mae pobl gyffredin yn gwrthsefyll echdynnu, camfanteisio ac anghydraddoldeb, ac yn goleuo’r ffordd tuag at gyfiawnder hinsawdd a chymdeithasol.
Cariad Cymru — Cyfiawnder i Bawb yw ein galwad gyffredin. Rydym yn sefyll mewn undod â chymunedau ledled y byd.
Dysgwch mwy am ein digwyddiadau sydd ar ddod a chymerwch ran:
Diwrnod Gweithredu Byd-eang dros Gyfiawnder Hinsawdd — 15 Tachwedd
P’un a ydych chi’n ysgol, grŵp ieuenctid, grŵp ffydd neu ganolfan gymunedol — fe’ch gwahoddir i gynnal sesiwn creu llusernau a’u dod â nhw ar daith gerdded neu eu harddangos mewn ffenestri, neuaddau neu fannau lleol ddydd Sadwrn 15 Tachwedd 2025 fel rhan o Ddiwrnod Gweithredu Byd-eang. Ochr yn ochr â’r llusernau, byddwn yn cyflwyno llythyr a rennir at ein cynrychiolwyr gwleidyddol yn galw am degwch, gofal a dewrder mewn ymateb i’r argyfwng hinsawdd.
Lawrlwythwch y Llyfryn Cam wrth Gam ar gyfer Grwpiau Cymunedol yng Nghymru
Cwestiynau? Cysylltwch â Michi — michaela@climate.cymru
Llyfryn Cam-wrth-Gam
Sgyrsiau Cyfiawnder Hinsawdd — Digwyddiad Panel yn Abertawe
Ymunwch â ni am ddeialog bwerus fel rhan o Ddiwrnod Gweithredu Byd-eang, gan ddod â lleisiau ynghyd o fenywod, ieuenctid, Pobloedd Frodorol, pobl anabl, a chymunedau rheng flaen. Ar ddydd Sadwrn 15 Tachwedd 2025 o 3 – 4.30pm yn Theatr y Grand yn Abertawe.
Gofal plant, te, coffi a chacennau am ddim ar gael.
Dysgwch fwy a chofrestrwch yma
Cynulliad y Senedd dros Gyfiawnder Hinsawdd
Dydd Mawrth 19 Tachwedd | 12–1pm
Grisiau’r Senedd, Bae Caerdydd
Yn ystod COP30, rydym yn ymgynnull wrth y grisiau o flaen y Senedd am foment weladwy o undod — gan alw ar Aelodau’r Senedd i gefnogi cyfiawnder hinsawdd go iawn.
Cwestiynau? Cysylltwch â Michi — michaela@climate.cymru
Diwrnod Cyfiawnder Hinsawdd ac Ymfudiad — Dangosiad Ffilm
Dydd Sul 23 Tachwedd | 3–5pm
Teml Heddwch, Caerdydd
Wedi’i gynnal gyda Thîm Dysgu Byd-eang WCIA, mae’r digwyddiad arbennig hwn yn rhan o Ein Dyfodol a Rennir – Ŵyl Ffilm Hinsawdd ac Ymfudiad ledled y DU.
Byddwn yn gwylio ffilm bwerus sy’n archwilio profiadau byw o ddadleoli hinsawdd, ac yna sgwrs groesawgar ar wydnwch, undod a gweithredu.
Rhaid i Gymru roi cyfiawnder hinsawdd wrth wraidd 2026!
Wrth i Gymru baratoi ar gyfer etholiadau’r Senedd 2026, mae Cyfiawnder Hinsawdd Byd-eanf Cymru yn galw am bolisïau sy’n gwreiddio gweithredu hinsawdd mewn tegwch, undod a chyfiawnder, yma yng Nghymru ac yn fyd-eang. Yr wythnos hon, rydym wedi gweld pŵer di-stop mudiadau byd-eang ledled y byd…
- Fe wnaethon ni ddweud wrth lywodraeth Cymru, #GweithredwchNawrAmYDyfodol yn ein lobi dorfol yn y Senedd.
- Heddiw, rydyn ni’n #TynnuLlinell / #DrawTheLine yn erbyn dinistr, yn erbyn diffyg gweithredu, ac am ddyfodol cyfiawn, byw.
- Yn Llundain, mae miloedd o bobl yn mynd i’r strydoedd i ddweud #GwnewchIddyntDalu / #MakeThemPay a mynnu bod yr or-gyfoethog a’r llygrwyr yn talu’r bil yn hytrach na gweithwyr a chymunedau.
Mae hyn i gyd yn digwydd yn ystod yr Wythnos Gweithredu dros Heddwch a Chyfiawnder Hinsawdd, sy’n tynnu sylw at y cysylltiadau dwfn rhwng rhyfel, militariaeth, anghyfiawnder cymdeithasol a chwalfa hinsawdd. Dyma ein moment i dynnu’r llinell – a chymryd ein dyfodol yn ôl oddi wrth y rhai sy’n elwa trwy ei ddinistrio.
Darllenwch Fwy Yma / Cofnod Blog
Gweledigaeth a Gofynion Polisi am Senedd 2026
Wrth i Gymru baratoi ar gyfer etholiadau’r Senedd 2026, mae Cyfiawnder Hinsawdd Byd-eang Cymru yn galw am arweinyddiaeth feiddgar, ryngwladol gyfrifol wedi’i wreiddio mewn tegwch, undod a Ddeddf Llesiant Cenedlaethau’r Dyfodol. Mae’r briff hwn yn amlinellu gweledigaeth glir ar gyfer Cymru fel arweinydd byd-eang ym maes cyfiawnder hinsawdd, gydag argymhellion polisi ymarferol ar gyfer Lywodraeth nesaf Cymru. Mae’n annog Cymru i arwain gweithredu hinsawdd drwy drawsnewid cyfiawn i economi wyrdd, lles sy’n cydnabod cyfrifoldebau hanesyddol ac ôl troed ecolegol Cymru.
Mae’r cynigion allweddol yn cynnwys:
- Targedau allyriadau byd-eang sy’n rhwymo’n gyfreithiol, cau bylchau echdynnu glo, a mabwysiadu Strategaeth Pontio Cyfiawn genedlaethol.
- Caffael cyhoeddus moesegol a buddsoddiad i ddileu cysylltiadau â datgoedwigo ac ecsbloetio dramor.
- Hyrwyddo undod byd-eang trwy gyllid hinsawdd teg, cymorth colled a difrod, a chyfiawnder dyled i wledydd sy’n agored i niwed hinsawdd.
- Ymgorffori dinasyddiaeth fyd-eang, cyfiawnder hinsawdd, ac addysg heddwch ar draws addysg a gwasanaethau cyhoeddus Cymru, gan sicrhau bod lleisiau ieuenctid ac ymylol yn siapio penderfyniadau hinsawdd.
Gyda’r agenda hon, gall Cymru ysbrydoli cenhedloedd bach eraill trwy ddangos bod arweinyddiaeth egwyddorol yn bosibl ac yn hanfodol yn wyneb yr argyfwng hinsawdd.
Briff Maniffesto
Ymateb i’r Ymgynghoriad: Bwyta’n Iach mewn Ysgolion
Mae Cyfiawnder Hinsawdd Byd-eang Cymru yn croesawu ymrwymiad Llywodraeth Cymru i wella safonau maeth prydau ysgol a hyrwyddo dietau iachach sy’n seiliedig ar blanhigion i blant a phobl ifanc ledled Cymru. Mae’r pwyslais ar gynyddu argaeledd a gwelededd bwyd iach, yn enwedig ffrwythau a llysiau, yn gam hanfodol tuag at fynd i’r afael â gordewdra cynyddol mewn plant, gwella canlyniadau iechyd hirdymor, ac alinio â Deddf Llesiant Cenedlaethau’r Dyfodol.
Credwn y gellid gwella’r cynigion yn sylweddol trwy:
- Rhaglen addysg bwyd fwy cyfannol sy’n hyrwyddo garddio, coginio a bwyta ymwybodol wedi’i hintegreiddio i’r cwricwlwm.
- Cadwyni cyflenwi wedi’u gwreiddio mewn tegwch sy’n blaenoriaethu llysiau organig Cymreig, mewnforion di-ddatgoedwigo a masnach deg, opsiynau sy’n seiliedig ar blanhigion.
- Lleihau gwastraff bwyd wrth weithio gyda chynlluniau lleol
- Monitro canlyniadau bwyd ac amgylcheddol yn barhaus, ynghyd ag adrodd tryloyw a chyllidebau cefnogol.
Gweithredwch Nawr Am Y Dyfodol. Dros bobl. Dros hinsawdd. Dros natur.
Lobi Dorfol y Senedd – Dydd Mercher 9 Gorffennaf 2025
Rydym yn annog Aelodau’r Senedd, Gweithredwch Nawr Am Y Dyfodol, dros bobl, dros hinsawdd, dros natur
Mae Cyfiawnder Hinsawdd Byd-eang Cymru yn annog ASau i ddangos arweinyddiaeth fyd-eang feiddgar ar gyfiawnder hinsawdd:
- Adfer cymorth y DU a gwneud i lygrwyr dalu
- Llofnodi’r Cytundeb Tanwydd Ffosil
- Dadfuddsoddi pensiynau rhag tanwydd ffosil, datgoedwigo a niwed
- Gwneud masnach deg
- Diogelu hawliau protest
Cefnogwch ein galwad ar Bwyllgor Deisebau’r Senedd i gefnogi uwchgynhadledd pensiynau brys ar fuddsoddi moesegol
Templed Ebost i ASau
Pam Mae’n Rhaid i Bensiynau Cymru Ddadfuddsoddi Nawr
Rhaid i Partneriaeth Pensiwn Cymru roi’r gorau i fuddsoddi mewn rhyfel, tanwyddau ffosil, a datgoedwigo – diwydiannau sy’n tanio cam-drin hawliau dynol, anghydraddoldeb a chwalfa hinsawdd.
Briff PPC Amdanynt
Mae’r Cyfiawnder Hinsawdd Byd-eang Cymru yn dod â sefydliadau, grwpiau, rhwydweithiau ac unigolion ynghyd i gyflymu gweithredu dros gyfiawnder hinsawdd byd-eang ac i sicrhau bod safbwyntiau a phrofiadau amrywiol yn cael eu cynnwys mewn trafodaethau cysylltiedig, datblygu polisi ac ymgyrchoedd.
Yr hyn sy’n greiddiol i’r grŵp, yn unol â Deddf Llesiant Cenedlaethau’r Dyfodol, yw sicrhau bod gweithredu ar yr hinsawdd yng Nghymru wedi’i seilio ar ddealltwriaeth ddwfn o gyfrifoldeb byd-eang—gwneud cyfraniad cadarnhaol at lesiant byd-eang a gosod Cymru fel llais gweithgar ar lwyfan y byd.
Mae’r rhai mwyaf agored i niwed – pobl o liw, menywod, Pobloedd Frodorol, LHDTCRh+, pobl anabl, a’r henoed – yn cael eu heffeithio’n anghymesur gan newid hinsawdd. Mae’r Global Climate Risk Index yn dangos mai’r gwledydd sy’n cyfrannu leiaf at allyriadau byd-eang yw’r rhai sydd fwyaf agored i effeithiau newid hinsawdd. Mae’r annhegwch hwn yn tanlinellu’r angen dybryd am gyfiawnder hinsawdd, wrth i gymunedau yn y De Byd-eang ddioddef canlyniadau argyfwng na wnaethant ei achosi.
Gweithredoedd
Rhaid i’n gweithredoedd i frwydro yn erbyn newid hinsawdd fod yn gyfiawn, yn deg, ac yn gyson â chyfraith hawliau dynol rhyngwladol. Mae lliniaru hinsawdd nid yn unig yn fater o gyfrifoldeb amgylcheddol ond mae hefyd yn allweddol i wireddu hawliau dynol yn fyd-eang, gan sicrhau nad yw’r rhai mwyaf agored i niwed yn cael eu gadael hyd yn oed ymhellach ar ôl.
Nodau y grŵp
- Dod â sefydliadau amrywiol ynghyd i ganolbwyntio ar a chryfhau gyfleoedd i arwain camau gweithredu cydweithredol ar gyfiawnder hinsawdd byd-eang.
- Datblygu safbwyntiau polisi a fydd yn cyflymu camau gweithredu ar gyfer cyfiawnder hinsawdd byd-eang y gellir eu rhannu â’r rhai sy’n gwneud penderfyniadau.
- Sicrhau bod lleisiau amrywiol ein partneriaid a chymunedau rhyngwladol ar rheng flaen yr argyfwng hinsawdd yn cael eu cynrychioli a’u clywed yng Nghymru.
- Briffio, a dylanwadu ar Lywodraeth Cymru, Aelodau’r Senedd, Cyrff y Sector Cyhoeddus (PSBau) a’r rhai sy’n gwneud penderfyniadau eraill ar gyfiawnder hinsawdd byd-eang a chyfrifoldeb byd-eang, gan gynnwys dimensiynau hiliol, cymdeithasol a rhywedd.
- Helpu i integreiddio cyfiawnder hinsawdd byd-eang a chyfrifoldeb byd-eang i ymgyrchoedd ehangach Climate Cymru.
Aelodau craidd
Aelodau craidd GCJG ar hyn o bryd yw: Oxfam Cymru, Cymorth Cristnogol, CAFOD, Cyfeillion y Ddaear Cymru, Climate Cymru, WCIA, Ffederasiwn Cenedlaethol Sefydliad y Merched – Cymru, Maint Cymru, Panel Cynghori Is-Sahara, Coed Cadw, Hwb Cymru Africa, Lleisiau Gwyrdd (Green Voices), a Women4Resources.
Mae’r lleisiau sy’n cael eu cynrychioli, eu llwyfannu a’u canoli yng ngwaith y grŵp yn mynd y tu hwnt i aelodau Climate Cymru.
Papur Polisi
Mae’r Grŵp Cyfiawnder Hinsawdd Byd-eang wedi datblygu papur cydweithredol, sy’n nodi 4 blaenoriaeth i osod cyfiawnder hinsawdd byd-eang a thegwch ar draws pob polisi cyhoeddus ac mae’n galw ar Lywodraeth Cymru i hyrwyddo:
- Gweithredu Hinsawdd
- Hawliau Dynol
- Colled a Difrod
- Dinasyddiaeth Fyd-eang
Papur Polisi Llawn yma.
Cysylltwch
Mae’r grŵp hwn yn agored i unrhyw un sydd â diddordeb ac yn angerddol am gyfiawnder hinsawdd byd-eang. I ymuno â Chyfiawnder Hinsawdd Byd-eang Cymru, a gyda hynny â mudiad Climate Cymru, dylid gwneud cais i e-bost Climate Cymru Michi: michaela@climate.cymru.
We use cookies to improve your experience and deliver personalized content. By using this website, you agree to our privacy policy.