FareShare Cymru

Mae Fareshare Cymru, a sefydlwyd yn 2010, yn gweithio i ymladd newyn drwy daclo gwastraff bwyd. Fe gymerwn fwyd bwytadwy sy’n weddill gan y diwydiant bwyd, a’i ddefnyddio i gynorthwyo grwpiau bregus; megis y digartref, yr henoed, plant neu grwpiau eraill sy’n dioddef o dlodi bwyd yn ein cymunedau. Ers 2011 rydym wedi ail ddosbarthu dros 4447 tunnell o fwyd dros ben, digon i gyfrannu at dros 10.5 miliwn o brydau bwyd, sydd wedi arbed dros 13,741 t Co2e.

Mae dros dau filiwn o dunelli o fwyd sy’n ddigon da i’w fwyta yn mynd i wastraff bob blwyddyn yn y DU. Byddai modd paratoi 1.3 biliwn o brydau bwyd o’r bwyd hwn. Ledled y DU, caiff 27 miliwn tunnell o allyriadau CO2 eu cynhyrchu o wastraff bwyd, sy’n fwy o allyriadau CO2 na Sri Lanka gyfan.

Mae hyn oll yn ystod cyfnod pan mae bron i chwarter o boblogaeth Cymru (700,000) yn byw mewn tlodi, ac mae pobl yn ei chael hi’n anodd cael mydediad at fwyd da a maethlon, ac yn Mynd heb fwyd yn rheolaidd. Mae’n foesol anghywir ac yn gwneud dim synnwyr amgylcheddol bod yna gymaint o wastraff yn ystod cyfnod lle mae yna gymaint o angen. Mae’n rhaid i bob cwmni, elusen ac awdurdod weithio ar y cyd nawr i gael bwyd dros ben ar blatiau pobl.