Dyneiddwyr Cymru

Mae Gweithredu Hinsawdd Dyneiddwyr yn rhwydwaith o Dyneiddwyr DU sy'n cael ei arwain gan wirfoddolwyr, gan gynnwys aelodau a chefnogwyr Dyneiddwyr Cymru, sydd wedi ymrwymo i ailddiffinio ffyrdd o fyw ac ymgyrchu dros bolisïau sy'n hyrwyddo byw carbon isel, moesegol a chynaliadwy yng ngoleuni dirywiad hinsawdd a bioamrywiaeth y Ddaear. Rydym yn dod â Dyneiddwyr at ei gilydd i hwyluso gweithredu unigol a chyfunol ar y materion hyn.

Mae Dyneiddwyr yn cael eu harwain gan reswm a gwyddoniaeth ac yn cydnabod dyletswydd foesol tuag at les ein cyd-fodau a'r byd naturiol. Mae dyneiddwyr yn ceisio cymryd rhan mewn deialog a dadl yn rhesymol, yn ddeallus, a gyda thystiolaeth, ac yn hyrwyddo'r gred bod bodau dynol yn rhan o fyd naturiol ehangach y mae'n rhaid ei drin yn gynaliadwy er mwyn cenedlaethau'r presennol a'r dyfodol.