Pwy ydyn ni
Amdanom
Mae Climate Cymru yn fudiad o filoedd o unigolion a rhwydwaith o gannoedd o sefydliadau o bob sector yng Nghymru, wedi’u dwyn ynghyd gan werthoedd a rennir a chydnabyddiaeth bod angen gweithredu brys a theg ar yr argyfyngau hinsawdd a natur. Credwn y dylai gweithredu gael ei lywio gan wyddoniaeth a lleisiau pobl ledled Cymru.
Wedi’i gynnal gan Cymru Global, mae Climate Cymru yn tynnu ar brofiad Cymru Global o gysylltu pobl â materion byd-eang a throi pryder yn weithred ymarferol. Mae gweledigaeth ehangach Cymru Global, y gall pawb yng Nghymru gyfrannu at fyd tecach, mwy heddychlon, wrth wraidd sut mae Climate Cymru yn gweithredu.
Rydym yn gweithio mewn pedwar maes allweddol:
- Meithrin y Mudiad – Gwasanaethu, cysylltu, ysbrydoli, clirio rhwystrau a dysgu oddi wrth fudiad mawr ac amrywiol o sefydliadau ac unigolion, gan gynnwys cynnal ystod o
grwpiau a mannau ymgynnull â themau benodol. - Eiriolaeth – Gwleidyddiaeth, polisi ac ymgyrchoedd – gwaith ar y cyd dros Climate Cymru a chefnogi partneriaid i gyflawni eu nodau eirioli unigol.
- Cyfathrebu & Adrodd Straeon – Adeiladu seilwaith cyfathrebu, adrodd straeon, uwchsgilio’r mudiad a chyflawni gwaith newid naratif yn seiliedig ar werthoedd.
- Ecosystem cyllid – Amrywiaeth o ymyriadau i helpu i drwsio tirlun cyllid diffygiol i Gymru ac i’r mudiad.
Ein cenhadaeth
Mor gyflym â phosibl:
- Cymru sero net
- Cymru natur-bositif
- Cyfiawnder hinsawdd yng Nghymru ac yn rhyngwladol
- Y Gymdeithas yng Nghymru i gofleidio Deddf Llesiant Cenedlaethau’r Dyfodol
Dylai’r newid i gyflawni’r nodau hyn fod yn gyfiawn ac yn deg, gan roi ystyriaeth briodol i amrywiaeth lleisiau ac anghenion pobl Cymru ac yn fwy cyffredinol, y rhai mwyaf agored i niwed ar draws y byd.
Ein hegwyddorion
Mae ein mudiad yn rhychwantu grwpiau o ddiddordeb o bob cefndir, sector a chornel o Gymru, ond mae’n cael ei ddwyn ynghyd gan ein hegwyddorion sylfaenol, y mae pob unigolyn, grwp, a sefydliad partner yn cytuno iddynt wrth ymuno:
Rydym yn cydnabod bod angen gweithredu’n deg ac ar frys mewn perthynas â’r argyfwng hinsawdd a natur. Rydym yn credu y dylai gweithredu gael ei arwain gan wyddoniaeth a lleisiau pobl ar draws Cymru.
Mae sefydliadau hefyd yn cytuno i’r 5 ffordd o weithio, a 7 nod deddf cenedlaethau’r dyfodol.
Ein Dull Gweithredu
- Rhoi pwysau ar y rheini sydd â phŵer i weithredu’n gadarn.
- Ymgysylltu’n gynhyrchiol â Llywodraeth Cymru.
- Gwneud yn siŵr bod lleisiau o ar draws Cymru yn cael eu clywed a’u cynrychioli
- Ysbrydoli a chysylltu ein rhwydwaith.
- Ehangu a chyflymu gwaith ein partneriaid
- Rhannu gwybodaeth bwysig a chyfleoedd gyda’n rhwydwaith a’r cyhoedd ehangach
- Dysgu gan Gymdeithas yng Nghymru, a thu hwnt
- Datblygu cefnogaeth gyhoeddus eang ar gyfer gweithredu
- Cynrychioli lleisiau a sefydliadau Cymru yn genedlaethol ac yn rhyngwladol
Ein Heffaith
Ers i ni ffurfio yn 2021, mae rhwydwaith Climate Cymru wedi cael effaith sylweddol i roi hinsawdd, natur a chyfiawnder cymdeithasol ar yr agenda gwleidyddol yng Nghymru. Mae ein huchafbwyntiau yn cynnwys ein mudiad llwyddiannus Cymru Gyda’n Gilydd, ein prosiectau newid naratif ac adrodd straeon pwerus, a’n rhwydwaith o filoedd o bobl ledled Cymru i eirioli dros gyfiawnder hinsawdd teg a brys.
Am fwy o wybodaeth, gweler:
We use cookies to improve your experience and deliver personalized content. By using this website, you agree to our privacy policy.