Mae Hinsawdd Cymru yn gweithio i sicrhau bod lleisiau pobl yng Nghymru yn cael eu clywed gan arweinwyr, yn COP26 a thu hwnt.

Os ydych chi’n grŵp o bobl sydd eisiau ymuno â’r ymgyrch gallwch ddefnyddio’r ffurflen hon i ychwanegu’ch lleisiau i gyd ar unwaith. Os yw’n well gennych gofrestru’n unigol, cliciwch yma i fynd at y ffurflen gofrestru unigol. Os ydych chi’n rhan o grŵp cymunedol gallwch hefyd gofrestru fel partner Hinsawdd Cymru i ddangos eich cefnogaeth.

Mae’n cymryd mond ychydig o eiliadau i ychwanegu’ch lleisiau ac anfon negeseuon gan eich grŵp at ein harweinwyr. Gallwch ychwanegu un neges y cytunwyd arni gan y grŵp cyfan, neu restr o negeseuon.

Anfonwch neges at ein harweinwyr

Mae ein hinsawdd a’n byd naturiol mewn argyfwng, ac mae hyn yn bygwth ein cymunedau, ein ffyrdd o fyw, a’n lleoedd Cymreig hardd.

Mae 2021 yn cynnig gobaith am ddyfodol gwell. Ym mis Tachwedd, bydd arweinwyr y byd yn ymgynnull ar gyfer Uwchgynhadledd Hinsawdd y Cenhedloedd Unedig, gyda dyfodol ein cymunedau yn eu dwylo. Mae angen i ni ddangos iddyn nhw pa mor bwysig yw hyn i ni.

Ychwanegwch eich llais i ddweud wrth ein harweinwyr ein bod ni eisiau gweld gweithredu cryf ac ystyrlon i ddiogelu’r pethau rydym yn eu caru.