WWF Cymru

“Newid yn yr hinsawdd yw'r her amgylcheddol fwyaf mae'r byd wedi'i hwynebu erioed, ond mae gennym yr atebion, a rydym yn gwybod y gall natur ymladd yn ôl. Rydym angen i bobl ar draws y byd weithredu ac ymuno yn y frwydr dros ein byd. Mae gwaith WWF i fynd i'r afael â newid yn yr hinsawdd yn digwydd ar draws y byd, ond mae'r DU yn chwaraewr arbennig o bwysig oherwydd ein deddfwriaeth hinsawdd. Fel WWF Cymru, ein her i Lywodraeth nesaf Cymru yw ymateb i'r cyfleoedd sydd o'n Blaenau, drwy addo gwneud y canlynol: 1.Sicrhau economi werdd a chyfiawn trwy wneud natur yn ganolog i bob penderfyniad, a chreu rhaglen swyddi genedlaethol sy'n addas i’r dyfodol. 2. Diwygio'r system fwyd fel ei bod yn cyflawni ar gyfer natur a phobl drwy gynnwys arferion ffermio sy'n ystyriol o natur a'r hinsawdd, a diogelu natur dramor drwy ein gwneud y genedl dim datgoedwigo gyntaf. 3. Rhoi natur ar y llwybr i adferiad drwy warchod ein hafonydd, ein moroedd a'n tir i genedlaethau'r presennol a'r dyfodol, trwy neilltuo 1% o'r holl gyllidebau adrannol i adfer natur a brwydro yn erbyn newid hinsawdd. Dim ond drwy weithio gyda’n gilydd y byddwn yn sicrhau newid parhaol ac effaith fyd-eang. ”