Womens Equality Network Cymru

WEN Cymru yw rhwydwaith cydraddoldeb menywod Cymru. Eu gweledigaeth yw Cymru sy’n rhydd o wahaniaethu rhwng y rhywiau. Cymru lle mae gan bob menyw a dyn awdurdod cyfartal a chyfle i lunio cymdeithas a'u bywydau eu hunain.

“Mae newid yn yr hinsawdd yn her enfawr sy'n effeithio'n anghymesur ar fenywod, gan mai menywod yw'r rhan fwyaf o bobl dlawd y byd. Fel y nodwyd yn ein Cerdyn Sgorio Benywaidd, hoffem i Lywodraeth Cymru gyflwyno fframwaith monitro a gwerthuso ar gyfer newid yn yr hinsawdd, sy'n cynnwys dangosyddion perfformiad clir sy'n canolbwyntio ar y rhywiau a mesurau llwyddiant a hefyd, sy’n sicrhau bod datblygu'r Cynllun Cyflawni Carbon Isel yn ymgorffori cyfraniad hanfodol menywod at liniaru newid yn yr hinsawdd.”