National Federation of Women’s Institutes

“Mae gan SyM hanes hir a balch o weithredu i warchod a gwella ein hamgylchedd naturiol. Newid hinsawdd yw’r bygythiad unigol mwyaf i’r bobl a’r lleoedd rydym ni’n eu caru, yma yng Nghymru ac yn fyd-eang. Yn rhy aml o lawer, merched o gwmpas y byd yw’r rhai sydd dioddef gyntaf a gwaethaf oherwydd effeithiau’r newid yn yr hinsawdd. Yn y blynyddoedd diwethaf, rydym wedi gweld effaith y newid yn yr hinsawdd ar lefelau cenedlaethol a rhyngwladol: mwy o lifogydd a thonnau o wres yn ystod yr haf yn y Deyrnas Unedig; a mwy o deiffwnau, sychdwr a thrychinebau naturiol eraill yn fyd-eang. Mewn ymateb i’r argyfwng hinsawdd, mae’n angenrheidiol ein bod yn gweld arweinwyr y byd yn gweithredu yn uchelgeisiol a chyflym i fynd i’r afael â newid hinsawdd yn unol â’r Cytundeb Paris. Wrth i’r DU paratoi i letya COP26, mae’n rhaid i Lywodraeth y DU ynghyd â Llywodraeth Cymru i arwain drwy esiampl trwy gyflwyno polisïau cartref uchelgeisiol er mwyn annog arweinwyr y byd eraill i wneud yr un peth.”