CGGC

“Yn CGGC (Cyngor Gweithredu Gwirfoddol Cymru), rydym yn bodoli i alluogi mudiadau gwirfoddol yng Nghymru i wneud mwy o wahaniaeth gyda'n gilydd. Mae llawer o elusennau, grwpiau cymunedol, mentrau cymdeithasol a gwirfoddolwyr Cymru yn arwain y ffordd o ran mynd i'r afael â newid yn yr hinsawdd, ac rydym yn falch o fod yn rhan o'r mudiad hwnnw, ac o'i gefnogi mewn unrhyw ffordd y gallwn. Rydym yn credu y dylai llywodraethau gynnwys a gwrando ar yr ystod amrywiol o fudiadau gwirfoddol ar draws Cymru wrth gynllunio a gweithredu ar newid yn yr hinsawdd. Mae'r sefydliadau hyn yn meddu ar arbenigedd unigryw, mae ganddynt wybodaeth am effaith newid yn yr hinsawdd ar gymunedau lleol, ac maen nhw'n hanfodol ar gyfer gwneud cynnydd gwirioneddol yn y maes hwn.”