Canolfan Newid Hinsawdd a Thrawsffurfio Cymdeithasol

Mae Canolfan Newid Hinsawdd a Thrawsffurfio Cymdeithasol yn ganolfan fyd-eang er mwyn deall rôl pobl mewn llunio dyfodol cadarnhaol carbon-isel. Mae'r ganolfan wedi'i lleoli ym Mhrifysgol Caerdydd, ac mae'n cynnwys consortiwm o bum Prifysgol o Brydain a'r elusen Climate Outreach.

“Rydym yn gweld pobl fel gwneuthurwyr newid, yn archwilio sut i ddefnyddio ein gwerthoedd i weithredu dros yr hinsawdd o fewn ein rolau gwahanol megis gweithwyr, defnyddwyr, rhieni, arweinwyr busnes, a gwneuthurwyr polisi. Mae COP26 yn gyfle i dynnu sylw at rôl dinasyddion fel gweithredwyr newid, ac i ddeall sut all pobl yrru'r gwaith gweithredu brys dros yr hinsawdd yn well.”