Dolen Cymru Wales Lesotho Link

“Mae gweithio mewn partneriaeth â Lesotho, y 'Deyrnas Fynyddig' fechan yn Ne Affrica, wedi rhoi’r ffocws ar effeithiau anghymesur newid yn yr hinsawdd ar boblogaethau tlotach. Ar gyfer gwlad sy'n cyfrannu cymharol ychydig at allyriadau carbon byd-eang, mae'r effeithiau'n enfawr. Mae mwy o law trwm a sychder dwys yn erydu'r pridd, ac yn golchi i ffwrdd rhwng 3% a 5% o'r uwchbridd bob blwyddyn. Mae hyn yn effeithio ar ansawdd y cnydau a'r da byw a gynhyrchir. Mae'n rhaid i ni ddangos sut mae gweithredoedd gwledydd mwy cyfoethog yn effeithio ar fywydau'r rheiny sydd heb fawr o reolaeth ar effeithiau dinistriol newid yn yr hinsawdd.”