Cynnal Cymru

“Dim ond rhai o effeithiau'r newid yn yr hinsawdd rydym yn eu gweld yng Nghymru yn barod yw mwy o lifogydd a phrisiau bwyd cynyddol, gyda'r effeithiau andwyol mwyaf ar y rheiny sydd fwyaf agored i niwed. Ar raddfa fyd-eang, mae lefelau'r môr yn codi, mae taflenni iâ arctig yn toddi, ac mae tymheredd blynyddol cyfartalog yn codi. Er bod difrod diosgoi wedi'i achosi, mae gennym gyfle o hyd i greu dyfodol gwell os bydd y Llywodraeth yn gweithredu nawr; cynnwys dinasyddion, yn ogystal â'r sectorau preifat a gwirfoddol, wrth weithredu cynlluniau gweithredu uchelgeisiol i sicrhau bod cyllidebau carbon yn cael eu cyflawni. Yn Cynnal Cymru, rydym yn gweithio i gefnogi dull integredig o ddatgarboneiddio ar draws sectorau, ac i geisio sicrhau'r manteision mwyaf posibl i gymdeithas a'n hamgylchedd tra bod allyriadau'n cael eu lleihau. Rydym yn gweld gwerth mewn llywodraethau cenedlaethol a lleol yn cydweithio'n rhanbarthol i osod targedau uchelgeisiol tuag at sero net a nodi cyfleoedd i wella bywydau. Mae'n rhaid i gamau gweithredu ganolbwyntio ar newid systemau o ran sut rydym yn byw ac yn gweithio – o sicrhau bod bwyd, ynni a thrafnidiaeth lleol a chynaliadwy yn fforddiadwy i bawb, i sicrhau buddsoddiad priodol mewn adfer natur gyda chyd-fanteision i iechyd, lles a swyddi.”