Cyfle am swydd – Pennaeth Gwleidyddiaeth ac Eiriolaeth ar gyfer Climate Cymru

Byddai’r Pennaeth Gwleidyddiaeth ac Eiriolaeth yn gyswllt allweddol rhwng mudiad Climate Cymru a’r dirwedd wleidyddol yng Nghymru, gan sicrhau bod lleisiau llawr gwlad yn cael y cyfle i ddylanwadu ar benderfyniadau ar bob lefel. Bydd y rôl yn arwain strategaeth etholiad Senedd 2026 Climate Cymru, gan ysgogi gwaith maniffesto a sicrhau ymrwymiadau hinsawdd uchelgeisiol gan bleidiau gwleidyddol.

Yn ogystal, mae’r rôl yn cynnwys trefnu digwyddiadau gwleidyddol, cyfarfodydd bord gron, ac ymrwymiadau strategol, gan gynnwys trafodaethau proffil uchel yn y Senedd a chyfarfodydd rhanddeiliaid ar adroddiadau Grŵp Her 2035. Trwy’r gweithgareddau hyn, bydd y Pennaeth Gwleidyddiaeth ac Eiriolaeth yn chwarae rhan hanfodol wrth osod Climate Cymru fel llais dibynadwy a dylanwadol ym mholisi hinsawdd Cymru.

Lleoliad: Gweithio o bell (gyda’r opsiwn ar gyfer gwaith swyddfa neu waith hybrid yn WCIA, Y Deml Heddwch, Caerdydd) DS Bydd mynychu digwyddiadau, cyfarfodydd a gweithgareddau yng Nghaerdydd yn rhan reolaidd o’r rôl.

Contract: Rhan-amser (22.2 awr yr wythnos), contract cyfnod penodol am flwyddyn. Mae oriau ychwanegol / estyniad contract yn amodol ar gyllid.

Cyflog: £40,108 pro rata + pensiwn.

Mwy o fanylion: Disgrifiad swydd llawn yma, ffurflen gais yma, a ffurflen cyfle cyfartal yma.

Dyddiad Cau: 24 Mawrth 2025, 9 AM.