Wild Roots Kitchen & Bar Ltd.

Mae Wild Roots Kitchen & Bar Ltd. yn darparu cyfleuster arlwyo anhygoel, moesegol, sy'n achub y blaned ar gyfer priodasau, digwyddiadau a chwsmeriaid corfforaethol, yma yn Ne Cymru. Maen nhw’n angerddol am gyflenwi bwydydd blasus a diodydd o ffynonellau lleol a chynaliadwy, gyda lefel ddigyffelyb o wasanaeth a gyda gwên bob amser!

Pam bod ots gennych chi am yr hinsawdd?

Mae gen i blant, ac rydw i eisiau iddyn nhw gael dyfodol a phlaned iach iddyn nhw, eu plant A’U plant nhw! Mae mor syml â hynny.

Pa gamau ydych chi eisiau eu gweld gan ein harweinwyr?

Rwyf eisiau iddynt roi’r gorau i flaenoriaethu gofynion ariannol busnesau mawr dros yr argyfwng byd-eang rydym i gyd yn ei wynebu. Pe bai cwmnïau’n cael eu dwyn i gyfrif am raddfa’r allyriadau, gwastraff ôl-gynhyrchion a’r plastig untro maen nhw’n eu cynhyrchu, yn uniongyrchol yn erbyn eu llinell waelod a heb unrhyw gyfle i yswirio eu ffordd allan o’r sefyllfa, buasem mewn sefyllfa wahanol iawn nawr. Dysgwch gan y busnesau newydd sydd ar y gweill a B-Corps sy’n gwneud newidiadau gwirioneddol i’r economi, hyd yn oed drwy roi pobl a’r blaned ar y blaen cyn elw! Mae’n bosib!

Beth sy’n rhoi gobaith i chi am y dyfodol?

Fy mhlant! Maen nhw eisoes yn weithredwyr ac yn arweinwyr ein dyfodol, ac mae eu cenhedlaeth eisoes yn dwyn yr arweinyddiaeth ddyletswydd bresennol i gyfrif. Mae hyn yn cynyddu, a diolch am hynny, gan fod y status quo presennol wedi methu â throi’r sefyllfa o gwmpas hyd yn hyn!