Rajsri

Yn eich barn chi, beth mae angen i'n harweinwyr yma yng Nghymru, y DU ac ar draws y byd ei wneud i ddatrys newid hinsawdd?

Credaf fod gwir raid i’n harweinwyr ddechrau cymryd camau diffiniol, trwy basio biliau a rhoi mesurau clir ar waith i leihau ein hôl troed ecolegol, oherwydd po fwyaf o amser a wastraffir wrth ohirio gweithredoedd ac anwybyddu’r broblem o newid hinsawdd, y mwyaf tebygol ydyw bydd y byd methu â adfer.

Pam ydych chi wedi dod yn llysgennad Climate Cymru?

Rwyf wedi dod yn llysgennad Climate Cymru gan fy mod yn credu ei bod yn ffordd wych o allu cyfrannu at y frwydr yn erbyn newid hinsawdd, ac mae arwyddocâd y mater yn ei gwneud yn fwy perthnasol nag erioed i ddechrau gweithredu a gwneud newid.

Fel cenedl, beth ydych chi'n teimlo sydd angen i ni wneud i ddylanwadu go iawn ar newid?

Rwy’n teimlo bod angen i ni ddechrau gweithio gyda’n gilydd, o fewn y genedl a hefyd tu allan iddo er mwyn cyflwyno ffrynt unedig byd-eang yn erbyn newid hinsawdd. Bydd gwrthdaro mewnol mond yn peryglu hyn, a gan fod newid hinsawdd yn wir yn argyfwng byd-eang, dim ond trwy gydweithredu a chydweithio y gallwn ni wir newid agwedd y byd tuag at y mater, a lledaenu’r neges ynghylch pa mor bwysig yw’r ffaith ein bod yn gweithredu. nawr.

Beth sy'n eich gwneud chi'n optimistig ar gyfer y dyfodol o ran newid yn yr hinsawdd?

Yn fwyaf diweddar, yr hyn sy’n fy ngwneud yn optimistic yw ffordd gwelsom wledydd yn gweithio gyda’i gilydd o dan achos cyffredin yn ystod y pandemig. Mae’r ffordd y gwnaeth pobl helpu eu gilydd wedi creu gobaith ar gyfer y dyfodol, gan ein bod ni’n gwybod nawr ei bod hi’n bosibl i’r byd uno, ac felly’n bosib curo newid hinsawdd, a helpu ein planed i wella.